Barashada English
Waa Koorso English oo dhamaystiran oo Online ah.
Barashada Luuqada English ta Online.
Ku soo dhawoow Koorso Dhameystiran oo Barashada Luuqadda English-ka ee ka socda shabakadda AflaxAcademy.com, oo ka kooban 3 heerar (Levels) si dhameystiran loogu diyaariyay qof kasta oo doonaya inuu luuqadda English-ka barto, horumariyo, ama u isticmaalo nolosha maalinlaha ah iyo shaqada. Waa barnaamij wax-ku-ool ah oo loogu talagalay in lagu baro dhamaan qaybaha muhiimka ah ee English-ka: Ku hadalka, Akhriska, Dhegaysiga, Qoraalka, iyo Naxwaha (Grammar).
Kooroskan waxa uu ka kooban yahay saddex heer oo is xiga, oo mid walba diiradda saarayo horumar gaar ah:
English Level 1 – Beginner ilaa Elementary
Heerkan koowaad waa bilowga safarka barashada English-ka, waxaana diiradda lagu saarayaa barashada aasaaska luuqadda. Waxyaabaha aad heerkan ku baran doonto waxaa ka mid ah:
- Ku hadalka aasaasiga ah: Barashada jumlado iyo weedho fudud oo la isticmaalo nolol maalmeedka.
- Vocabulary: Kor u qaadidda kelmado muhiim ah oo ku saabsan nolosha caadiga ah sida suuq gashada, safarka, dugsiga, iyo shaqada.
- Naxwaha (Grammar): Fahamka qaacidooyinka fudud sida samaynta jumlo.
- Dhegaysi iyo Akhris (Listening & Reading): Casharo ku saleysan maqalka iyo akhriska si loo xoojiyo fahamka.
- Laylisyo iyo Imtixaano: Koorsadu waxay ka kooban tahay 150 cashar, 20 imtixaan, iyo laylisyo badan oo wax-ku-ool ah.
Markaad heerkan dhammayso, waxaad awoodi doontaa inaad si fudud ugu hadasho English-ka aasaasiga ah adigoo aan turjumaan u baahnayn.
Booqo Kooroska English Level 1
English Level 2 – Intermediate
Heerka labaad wuxuu diiradda saarayaa horumarinta xirfadahaaga English-ka si aad ula qabsato xaaladaha nolol maalmeedka iyo isticmaalka luuqadda heer dhexe. Waxyaabaha heerkan lagu baranayo waxaa ka mid ah:
- Wada-sheekaysi (Conversations): Casharo badan oo ku saabsan wada sheekaysiyada maalinlaha ah iyo dhegaysiga (Listening).
- Naxwaha (Grammar): Waxaad si faahfaahsan u baran doontaa 12-ka tense ee English-ka, iyo qaybo kale oo muhiim ah sida isticmaalka erayada isku xira iyo naxwaha sare.
- Vocabulary: Kelmadaha iyo weedhaha aad ku isticmaali karto xaalado kala duwan oo nolol maalmeed ah.
- Akhris iyo Dhegeysi: Sheekooyin iyo maqal si loo xoojiyo fahamka iyo ku hadalka luuqadda English-ka.
- Manhajka Caalamiga ah (ESOL): Waxaad ku baranaysaa casharo ku saleysan buugaag caalami ah oo tayadoodu sarreyso.
Koorsadan waxay ka kooban tahay 130 cashar, imtixaano kala duwan, iyo laylisyo badan oo kaa caawinaya inaad ka mid noqoto dadka xirfad u leh English-ka heer dhexe. Markaad dhammayso heerkan, waxaad awoodi doontaa inaad si rasmi ah ugu hadasho oo u fahamto English-ka.
Booqo Kooroska English Level 2
English Level 3 – Upper Intermediate ilaa Advanced
Heerka ugu dambeeya ee koorsadan waa mid loogu talagalay kuwa doonaya inay gaaraan xirfado sare oo English ah, gaar ahaan dhinacyada aqoonta iyo xirfadaha shaqada. Waxyaabaha aad heerkan ku baran doonto waxaa ka mid ah:
- Qoraalka Aqooneed (Academic Writing): Waxaa la adeegsanayaa buuga caan ah ee “Academic Writing” oo ay qoreen Alice Oshima iyo Ann Hogue si loogu tababaro qoraalka aqooneed ee heer sare ah.
- Naxwaha (Grammar): Waxaad si qoto dheer u baran doontaa qaybo kala duwan oo grammar-ka ah sida Parts of Speech iyo isticmaalka erayada isku xira.
- Vocabulary: Kelmado iyo weedho heer sare ah oo muhiim u ah isticmaalka luuqadda xirfadeed iyo aqooneed.
- Ku hadalka iyo Dhegeysi Sare (Advanced Speaking & Listening): Waxaad baran doontaa xirfadaha wada hadalka iyo dhegaysiga heer sare ah si aad si kalsooni leh ula falgalto dadka ku hadla English-ka.
Koorsadan waxa ku jira laylisyo badan iyo imtixaano kaa caawinaya inaad noqoto qof xirfad sare leh, ku hadli kara, qori kara, una fahmi kara English-ka si xirfad leh. Barashada Luuqada English – Afsoomaali waa Koorso dhamaystiran oo afsoomaali laguturjumay.
Booqo Kooroska English Level 3
Maxaa Kooroskan U Gaar Ah?
- Luuqadda uu ku baxayo: Kooroskan wuxuu ku baxayaa Af Soomaali, taas oo kuu fududaynaysa inaad si fiican u fahanto casharada.
- Manhajka Caalamiga ah: Waxaa la adeegsanayaa buugaag iyo agab caalami ah sida manhajka ESOL.
- Casharo Dhameystiran: Saddexda heer ee koorsada waxay ka kooban yihiin dhammaan waxyaabaha lagama maarmaanka u ah barashada English-ka.
- Laylisyo Wax-ku-Ool ah: Koorsadu waxay leedahay laylisyo iyo imtixaano kaa caawinaya inaad si firfircoon ugu tababarto English-ka.
Ku soo biir maanta AflaxAcademy.com oo bilow safarkaaga barashada English-ka si aad u gaarto yoolalkaaga nolosha, shaqada, iyo aqoonta!